Urad źbirajecca płacić daŭhi pa jeŭraablihacyjach u biełaruskich rublach
Urad sumiesna z Nacyjanalnym bankam pryniali pastanovu, što nadalej daŭhi pa dziaržaŭnych kaštoŭnych papierach, raźmieščanych na źniešnich finansavych rynkach, Biełaruś budzie płacić u biełaruskich rublach pa kursie Nacbanka.
28.06.2022 / 20:42
Urad padkreślivaje, što hetaja miera vymušanaja i abumoŭlenaja «niemahčymaściu płaciežnaha ahienta i inšych udzielnikaŭ mižnarodnaj raźlikova-klirynhavaj sistemy harantavać paŭnatu i svoječasovaść pieraličeńnia srodkaŭ usim trymalnikam jeŭraablihacyj».
Śćviardžajecca taksama, što asobnyja ŭładalniki kuponnaha dachodu pa jeŭraablihacyjach, pieraličanaha Minfinam u lutym biahučaha hoda, hrošaj nie atrymali.
Pastanovaj praduhledžvajucca, praŭda, i inšyja formy raźlikaŭ, padrabiaznaści zaŭtra pavinna rastłumačyć Ministerstva finansaŭ.