SK skončyŭ rasśledavańnie padpału šafy na čyhuncy. Śledčyja pahražajuć partyzanam rasstrełam
Nočču z 28 lutaha na 1 sakavika troje mužčyn padpalili relejnuju šafu na čyhuncy, paśla byli zatrymanyja.
29.06.2022 / 09:58
Ciapier im vystavili abvinavačvańni pa čatyroch artykułach Kryminalnaha kodeksa:
- č. 3 art. 361-1 (udzieł u ekstremisckim farmavańni);
- č. 3 art. 289 (akt teraryzmu, ździejśnieny hrupaj i jaki paciahnuŭ za saboj ciažkija nastupstvy);
- č.č. 2,4 art. 309 (naŭmysnaje psavańnie šlachoŭ znosin, jakoje pryviało da ciažkich nastupstvaŭ);
- č. 1 st. 356 (zdrada dziaržavie).
Psavańnie abstalavańnia na čyhuncy adbyvałasia ŭ Biełarusi adrazu paśla napadu Rasii na Ukrainu. U vyniku byŭ zapavoleny ruch čyhunačnych sastavaŭ z rasijskimi vojskami i technikaj, a siłaviki byli vymušanyja ŭzmacnić achovu čyhunki.
Varta adznačyć, što ŭ paviedamleńni SK u Telehramie abvinavačanych nazyvajuć «zdradnikami radzimie», chacia sud jašče navat nie pačynaŭsia. SK taksama śćviardžaje, što mužčyna pahražaje śmiarotnaje pakarańnie, choć na momant zatrymańnia papraŭki ŭ zakon jašče nie byli pryniaty.