U top-15 biełaruskich jutub-kanałaŭ akazaŭsia błoh bieraściejki. Ni za što nie zdahadajeciesia, pra što jon
U rejtynhu samych papularnych biełaruskich jutub-kanałaŭ nie tolki SMI i błohiery, čyje imiony na słychu. Adzin z błohaŭ, jaki ŭ červieni sabraŭ bolš za 700 tysiač prahladaŭ, viadzie žycharka Bresta Natałla Čarniakova.
05.07.2022 / 11:38
Fota: sacsietki Natałli Čarniakovaj
Natałla — salistka Bresckaha haradskoha arkiestra duchavoj i estradnaj muzyki.
Na jaje kanale amal 9 tysiač padpisčykaŭ. Karotkija videa, jakimi dzielicca žančyna, — heta tancy na vulicach horada. Vals, tanha, łacina… Taksama Natałla publikuje vystupleńni chareahrafičnych kalektyvaŭ na haradskich mierapryjemstvach i prosta hulańni.
Fota: skrynšot videa na kanale Natałli
Časam sustrakajucca videa paradaŭ i praŭładnych viełaprabiehaŭ.
Za minuły miesiac u bieraściejki vyjšła kala 60 videa. «Ciapła, dabra i piaščoty vašamu viečaru!», «Hety vals začaruje vas!», «Adpačyvajem i hulajem, nikoha nie napružvajem!» — tak vyhladajuć zahałoŭki.
Cikava, što jašče paru miesiacaŭ tamu roliki nabirali chiba pa paru socień prahladaŭ.
Fota: skrynšot videa na kanale Natałli
Ale ŭ červieni zalecieła ŭ top videa «Abałdziennaje tanha! Sarvali ŭsie apładyśmienty!». Jaho pahladzieli 627 tysiač razoŭ. Za košt hetaha rolika jutub-kanał bierajściejki akazaŭsia na 14-m miescy ŭ rejtynhu samych papularnych biełaruskich błohaŭ.
Inšyja videa tancaŭ u červieni źbirali ŭ siarednim pa paru tysiač prahladaŭ.