Paśla skandału z prastytutkami kamandzira 6-j milicejskaj bryhady Dunajenku zrabili piedahoham
Miesiac tamu «Kibierpartyzany» vykłali animavany film na asnovie zdabytych materyjałaŭ prasłuchoŭvańnia śpiecsłužbami kamandzira 6-j milicejskaj bryhady 5525 pałkoŭnika Uładzimira Dunajenki. Z zapisaŭ vynikała, što jon maje prablemy z ałkaholem i zdradžvaje žoncy i z kalehaj, i z prastytutkami ŭ kłubach. «Ja chaču zdochnuć!» — płakaŭsia Dunajenka kachancy paśla niaŭdałaha pachodu ŭ načny kłub. Stała viadoma, Dunajenku adpravili vykładčykam fakulteta ŭnutranych vojskaŭ Vajskovaj akademii.
07.07.2022 / 20:08
Uładzimir Dunajenka
Raźvitańnie z kalektyvam prajšło ŭčora na bazie 6-j asobnaj śpiecyjalnaj milicejskaj bryhady ŭ Homieli.
Na miesca Dunajenki pryznačyli padpałkoŭnika Uładzimira Hołubieva, a Dunajenka adpraŭlajecca ŭ stalicu, u vykładčyki na fakultet unutranych vojskaŭ Vajskovaj akademii.
Da pryznačeńnia ŭ v/č 5525 Dunajenka słužyŭ ŭ 1-j milicejskaj bryhadzie 5448 pad Minskam. Mienš za hod tamu jaho adtul pieraviali ŭ Homiel paśla vypadku źjaŭleńnia na rabočym miescy z finhałam i inšymi śladami pierapoju.
Da taho ž Viktaru Žadobinu, synu byłoha staršyni KDB i ministra abarony, Juryja Žadobina, patrebien byŭ karjerny rost — jon zaniaŭ miesca kambryha zamiest Dunajenki ŭ 5448.
Što 5448, što 5525 — čaści ŭnutranych vojskaŭ, bajcy jakich brali ŭdzieł u źvierstvach 2020-ha.