Palitźniavoleny mastak Uładzisłaŭ Makaviecki — na voli
Učora, 7 lipienia, z papraŭčaj kałonii № 22 (Voŭčyja nory) na volu vyjšaŭ palitźniavoleny mastak ź Viciebska Uładzisłaŭ Makaviecki, paviedamlaje «Viasna».
08.07.2022 / 12:48
Makavieckaha abvinavacili ŭ tym, što 6 vieraśnia 2020 hoda padčas vuličnaha šeścia ŭ Viciebsku jon pieraškadžaŭ zakonnym dziejańniam paciarpiełych, schilaŭ ich da źmieny charaktaru hetaj dziejnaści, zamachvaŭsia na milicyjaniera Fiadotava «rukami i nahami», sprabavaŭ nanieści jamu traŭmujučaje ŭździejańnie, vusna pahražaŭ jamu. Taksama milicejskaj humovaj pałkaj, jakuju padniaŭ ź ziamli, zamachnuŭsia ŭ bok Piatroŭskaha.
16 śniežnia sud u Viciebsku pryznaŭ palitviaźnia vinavatym pavodle art. 364 KK («Hvałt abo pahroza ŭžyvańnia hvałtu ŭ dačynieńni supracoŭnika ŭnutranych spraŭ») i asudzili da 2 hadoŭ kałonii.