Ukrainskija vajskoŭcy źniščajuć rasijskija składy bojeprypasaŭ
Na paŭdniovych rubiažach abarony ŭkrainskija abaroncy 9 lipienia źniščyli 58 rasijskich vajskoŭcaŭ, čatyry składy bojeprypasaŭ i varožuju techniku, paviedamiła apieratyŭnaje kamandavańnie USU «Poŭdzień».
10.07.2022 / 08:49
Pažar u Čarnabajeŭcy. Skrynšot ź videa
Pavodle paviedamleńnia, rakietna-artyleryjskimi padraździaleńniami naniesiena dva ahniavyja ŭdary pa kamandnych punktach, skapleńniach techniki i palavych składach bojeprypasaŭ praciŭnika ŭ rajonie znakamitaj Čarnabajeŭki. Papiarednie ličycca, što rasijanie stracili tam niekalki dziasiatkaŭ čałaviek, 2 haŭbicy «Msta-B», aŭtamatyzavanuju stancyju pastanoŭki pieraškod «Žitiel», 3 adzinki braniavanaj i 12 aŭtamabilnaj techniki.
Taksama źniščanyja čatyry składy bojeprypasaŭ — 1 na Mikałajeŭščynie, astatnija — na Chiersonščynie.
Akramia taho, ukrainskija telehram-kanały paviedamlajuć i publikujuć videa, jak vajskovyja składy harać na terytoryjach Danieckaj vobłaści, akupavanych jašče ŭ 2014 hodzie, u pryvatnaści ŭ horadzie Šachciorsk.