Шмат затрыманняў сёння ў Іванаве на Брэстчыне, пацярпеў нават сабака адной з затрыманых
Праваабаронцам вядомыя прозвішчы ўжо чатырох затрыманых у Іванаве, сярод якіх, паводле папярэдняй інфармацыі, былы міліцыянт, піша «Вясна».
13.07.2022 / 19:24
Алена Пуцыковіч
Сярод іншых сёння раніцай была затрыманая настаўніца Алена Пуцыковіч, якая адбывае «хатнюю хімію» за два рэпосты з інфармацыяй пра міліцыянтаў
Па інфармацыі суседзяў, пры затрыманні былі чутныя стрэлы — міліцыянты маглі страляць у сабаку, бо пазней каля дома стаялі хуткая і ветэрынарная дапамогі. Раней мясцовыя сілавікі ўжо пагражалі стральбой у сабак.
З іншых затрыманых вядомыя імёны Тамары Падымака і Марыны Кіявец. Акалічнасці іх затрымання высвятляюцца.
Вядома, што перадачы для затрыманых не бяруць — дазваляюць перадаць толькі медыкаменты.