Va Ukrainie zasakrecili źviestki pra straty na vajnie
Straty Ukrainy na vajnie i infarmacyja pra kolkaść zahinułych źjaŭlajucca dziaržaŭnaj tajamnicaj. Hetyja źviestki nie raskryvajuć, kab vorah nie zmoh vykarystać infarmacyju.
14.07.2022 / 16:01
Pra heta zajaviła namieśnica ministra abarony Hanna Malar, piša «RBK-Ukraina».
«Ličby zahinułych źjaŭlajucca dziaržaŭnaj tajamnicaj padčas vajennaha stanovišča. Heta abumoŭlena vajennaj metazhodnaściu i tym, što vorah nie pavinien viedać hetyja ličby i vykarystoŭvać heta dla ŭłasnych mahčymaściaŭ», — adznačyła Malar.
Taksama jana zaklikała nie raspaŭsiudžvać niepravieranyja źviestki pra kolkaść zahinułych i inšyja straty ŭkrainskaj armii.
«My źviartajemsia da hramadzian, hramadskich inicyjatyŭ, jakija sprabujuć publična ŭstaloŭvać hetyja ličby, dumajučy, što chtości ich chavaje, heta nie tak, nie pracujcie na voraha i nie adkryvajcie hetyja ličby da zakančeńnia vajennaha stanovišča», — zajaviła namieśnica ministra