Biełaruskich vajskoŭcaŭ pierakidvajuć u Jelski rajon
Biełaruskija vajskovyja padraździaleńni siońnia pavinny prybyć u pamiežny z Ukrainaj Jelski rajon.
15.07.2022 / 12:57
Fota: «Narodny hołas»
Pra heta paviedamiła miascovaja hazieta «Narodny hołas».
Padraździaleńni prybuduć u rajcentr pa čyhuncy. Razhruzka techniki budzie prachodzić siońnia.
«Mierapryjemstvy vyznačanyja płanam bajavoj padrychtoŭki Ministerstva abarony Respubliki Biełaruś. Prosim miascovaje nasielnictva zachoŭvać spakoj i nie panikavać», — cytuje hazieta načalnika asobnaj hrupy Jelskaha rajona, majora Mikałaja Charkova.
U natatcy taksama zaznačana, što padraździaleńni «praciahnuć uzmacnieńnie achovy Dziaržaŭnaj miažy ŭ Jelskim rajonie».
Učora paviedamlałasia, što pieramiaščeńni vajskovaj techniki buduć pravodzicca ŭ pamiežnych z Ukrainaj rajonach Bresckaj vobłaści: Ivanaŭskim, Stolinskim i Drahičynskim