U mabilnych prahramach Kobo i Bookmate źjavilisia knihi Uładzimira Arłova
Raniej mnohija z aŭdyjaknih Uładzimira Arłova možna było častkova pasłuchać na Kamunikat.org, a całkam — na CD-dyskach. Ciapier ža jaho tvory možna nabyć i pasłuchać praz mabilnyja prahramy Kobo i Bookmate, paviedamlaje Audiobooks.by.
20.07.2022 / 17:22
Uładzimir Arłoŭ. Fota: movananova.by
U pryvatnaści, u mabilnych prahramach źjavilisia aŭdyjaknihi:
- zborniki apaviadańniaŭ i apovieściaŭ «Orden biełaj myšy», «Čas čumy», «Sny impieratara»;
- knihi pra historyju Biełarusi «Adkul naš rod», «Tajamnicy połackaj historyi»;
- zbornik vierlibraŭ «Parom praz Ła-Manš».
Zbornik «Tancy nad horadam» možna prasłuchać biaspłatna.
Bolšaść z knih ahučyŭ sam aŭtar.
Uładzimir Arłoŭ — adzin z samych viadomych sučasnych biełaruskich aŭtaraŭ, majstar histaryčnaj prozy. U 2018 hodzie jaho zbornik «Tancy nad horadam» staŭ łaŭreatam premii Ježy Hiedrojca.