Chto padaŭsia na śpiecyjalnaść, jakuju imavierna abraŭ Mikałaj Łukašenka? Jość cikavaja detal
Dniami «Naša Niva» pisała, što Mikałaj Łukašenka padaŭ dakumienty ŭ BDU. Miarkujecca, što jon abraŭ bijałahičny fakultet, śpiecyjalnaść «bijatechnałohii». Voś što viadoma pra abituryjentaŭ, jakija tudy pastupajuć.
30.07.2022 / 20:58
Pavodle infarmacyi na sajcie BDU, na hetuju śpiecyjalnaść sioleta padalisia 65 abituryjentaŭ. Płan pryjomu — 40 čałaviek na biudžet i 20 na płatnaje (na hetuju formu navučańnia vypuskniki škoł jašče mohuć padać dakumienty).
Najmienšaja kolkaść bałaŭ, ź jakimi prynosili dakumienty, — kala 246-250 bałaŭ. Dva najlepšyja abituryjenty pastupali, majučy ad 366 da 370 bałaŭ.
Infarmacyja pra chod pryjomu dakumientaŭ u BDU pa stanie pa 27 lipienia. Skrynšot: sajt univiersiteta
Što cikava — adzin z padletkaŭ pastupaje pa-za konkursam.
Takuju mahčymaść majuć, naprykład, siroty, niadaŭnija sałdaty terminovaj słužby z rekamiendacyjnym listom (kali jany iduć na pieršuju «vyšku») ci dzieci, jakija ŭ hod pryjomu ci papiaredni zaniali pryzavyja miescy na aficyjnych čempijanatach Biełarusi, stali pieramožcami ŭ aficyjnych finałach kubkaŭ, pieršynstvaŭ ci Alimpijskich dniach moładzi.