New York Times: Administracyja Bajdena aceńvaje rasijskija straty ŭ 75000 čałaviek
Pa słovach nienazvanaha kanhreśmiena, acenka ŭ 75 tysiač zabitych i paranienych prahučała ŭ daviedcy, jakuju dla jaho i kaleh padrychtavali Dziarždepartamient, minabarony, Kamitet načalnikaŭ štaboŭ i raźviedka.
28.07.2022 / 09:36
Fota: AP
Raniej pra heta ž u Tvitary paviedamiŭ karespandent CNN — pavodle jaho słoŭ, takaja acenka źmiaščałasia ŭ sakretnaj daviedcy dla Pałaty pradstaŭnikoŭ.
Vydańnie nie biarecca aceńvać sapraŭdnaść ahučanych źviestak.
«Abodva baki zacikaŭlenyja ŭ tym, kab prynižać ličby strat: Rasija — kab praciahvać raskazvać unutranaj aŭdytoryi pra pośpiechi, Ukraina — kab padtrymlivać bajavy duch», — nahadvaje amierykanskaja hazieta svaim čytačam.
Kali ŭziać za suadnosiny zabitych i paranienych 1:3, to ahulnaja acenka ŭ 75 tysiač daje 18-19 tysiač zabitych, zaznačaje BBC.