Staličnaja milicyja prapanuje abstalavać padjezdy videakamierami
HUUS Minharvykankama inicyjavała abstalavańnie uvachodaŭ u padjezdy damoŭ kamierami videanazirańnia z mahčymaściu raspaznańnia tvaraŭ ludziej.
29.07.2022 / 08:39
Fota: Minsk-naviny
Pavodle staličnaha viedamstva, heta «dapamoža vyjaŭleńniu, raskryćciu i spynieńniu złačynstvaŭ i administracyjnych pravaparušeńniaŭ», paviedamlajuć Minsk-naviny.
Taksama paviedamlajecca, što kamiery źjavilisia na vuł. Zybickaj, prapracoŭvajecca pytańnie pa abstalavańni imi fud-korta «Piasočnica» i vuł. Kastryčnickaj.
— Na Zybickaj zaŭsiody šmat adpačyvalnikaŭ, jak minčukoŭ, tak i haściej stalicy. Dzie natoŭpy ludziej, tam časta zdarajucca pravaparušeńni — ad kradziažu i chulihanstva da naniasieńnia cialesnych paškodžańniaŭ — prakamientavaŭ načalnik słužby videanazirańnia HUUS Mienharvykankama Jaŭhien Chabracki. — Dziakujučy ustanoŭlenym kamierach złačynstvy raskryvajucca chutčej.