Žychara Bresta asudzili na 2,5 hoda kałonii za žadańnie stać dobraachvotnikam va Ukrainie
U Bresckim abłasnym sudzie adbyŭsia pieršy sud za «zamach na ŭdzieł u vajennych dziejańniach na terytoryi zamiežnaj dziaržavy» (č. 1 art. 14 i č. 1 art. 361-1 Kryminalnaha kodeksa). Abvinavačany — 37-hadovy žychar Bresta Siarhiej Vajciuk. Heta pieršy čałaviek u Biełarusi, jakoha asudzili za toje, što chacieŭ stać dobraachvotnikam va Ukrainie paśla 24 lutaha 2022 hoda, piša «Viasna».
29.07.2022 / 16:27
Pavodle viersii abvinavačvańnia, Vajciuk u siaredzinie krasavika adpraviŭsia na taksi ŭ Małarycki rajon, u pamiežnuju zonu da dziaržaŭnaj miažy Respubliki Biełaruś z Ukrainaj. Prybyŭšy na miesca, abvinavačany sprabavaŭ pierasiačy miažu ŭ napramku Ukrainy, u tym liku pa-za ŭstanoŭlenym punktam propusku, adnak nie davioŭ svoj namier da kanca, pakolki byŭ zatrymany pravaachoŭnymi orhanami.
Suddzia Śviatłana Kramianioŭskaja pryznačyła jamu 2,5 hoda kałonii va ŭmovach ahulnaha režymu — mienavita takoje pakarańnie prasiŭ prakuror Alaksandr Bohuš.