Hałoŭnakamandujučy USU: My adpomścim za ŭsie źvierstvy rasijan nad našymi pałonnymi
Hałoŭnakamandujučy Uzbrojenych siłaŭ Ukrainy Valeryj Załužny ŭ svaim telehram-kanale emacyjna adreahavaŭ na apošnija naviny pra toje, jak ździekujucca rasijanie z ukrainskich vajennapałonnych, kalečačy i zabivajučy ich.
29.07.2022 / 20:35
«Rasija — dziaržava-teraryst. Źvierstvy rasijan, jakija jany čyniać z našymi vajennapałonnymi, vyklikajuć lutaść.
My adpomścim za kožnaha zahinułaha abo skalečanaha subrata.
U adroźnieńnie ad rasijskich vajennych złačyncaŭ, my prytrymlivajemsia normaŭ mižnarodnaha humanitarnaha prava. U toj ža čas zrobim usio mahčymaje i niemahčymaje, kab pakarać vinavatych u złačynstvach suprać našych bratoŭ, siaścior i mirnych hramadzian.
Hetyja złačynstvy nie majuć terminaŭ daŭniny. Viedajcie, vorahi, vam nie budzie miesca na Ziamli», — napisaŭ Załužny.