Anarchisty atakavali Ministerstva abarony
«Armija — rabstva!» dy «Ułada naradžaje parazitaŭ!» skandavali jany i kinuli da hienieralnaha štabu dymavuju šašku.
19.09.2009 / 21:45
Biełaruskija anarchisty praviali demanstracyju, pratestujučy suprać vajennych hulniaŭ Biełarusi i Rasiei. Pra heta paviedamlaje anarchiscki sajt «Aŭtanomnaje dziejańnie — Biełaruś».
A 17.00, na druhi dzień vučeńniaŭ «Zachad-2009», dva dziasiatki anarchistaŭ sabralisia na vulicy Kamunistyčnaj i rušyli ŭ bok Ministerstva abarony. Jany trymali ŭ rukach čyrvona-čornyja ściahi i płakat «Narod haładaje, vajennyja hrajuć. Vajna ŭładam!»
Anarchisty skandavali: «Armija — rabstva!», «Ułada naradžaje parazitaŭ!», «Dziaržava — vorah narodu!», Činovniki — vory, politiki — łžiecy! Za dołłary kopajut mohiłu dla strany!»
La Ministerstva abarony demanstranty kinuli da budynku hienieralnaha štabu dymavuju šašku i paviesili płakat na aharodžu.
Demanstracyja doŭžyłasia 5-7 chvilinaŭ.
Pra zatrymanych i reakcyju Ministerstva abarony nie paviedamlajecca.