«Štuthart» Hleba nie vyjhraje ŭžo šeść hulniaŭ zapar, a ŭ subotu prajhraŭ «kazłam»
19.09.2009 / 23:01
U šostym tury čempijanata Niamieččyny siezona 2009/2010 «Štuthart» 19 vieraśnia na svaim poli prajhraŭ «Kiolnu» – 0:2 (Frajs, 25, Sanua, 89).
Kapitan zbornaj Biełarusi Alaksandr Hleb udziełu ŭ matčy nie braŭ, trenier «Šturharta» Markus Babiel daŭ biełarusu adpačyć.
Heta pieršaja pieramoha «Kiolna» u hetym siezonie bundeślihi (kłub ciapier maje čatyry bały), a voś «Štuthart» atrymaŭ treciuju parazu ŭ siezonie i ciapier razam z «Niurnbierham», majučy piać bałaŭ, dzielać 13-14-je miescy (u čempijanacie biaruć udzieł 18 kamandaŭ).
U «bieł-čyrvona-biełych» adna pieramoha, dźvie ničyi i try parazy, bałans hałoŭ: 6–10.
«Štuthart» startavaŭ u bundeślizie z parazy ad čempijona «Volfsburha» – 0:2, potym atrymaŭ pieramohu nad debiutantam-ziemlakom z Baden-Viurtembierha «Frajburham» – 4:2, zatym u matčy plej-of kvalifikacyi Lihi čempijonaŭ u haściach pieramoh «Tymišaaru» – 2:0 (Hleb tady zabiŭ hoł).
A potym pačałasia šaścimatčavaja biazvyjhryšnaja sieryja.
U 3-m tury čempijanatu Hiermanii «Štuthart» zhulaŭ uničyju ŭ haściach z dortmundskaj «Barusijaj» – 1:1, potym u kvalifikacyi Lihi čempijonaŭ na svaim poli zhulaŭ uničyju z «Tymišaaraj» (0:0), taksama 0:0 – na svaim poli z «Niurnbierham» u matčy 4-ha turu, u minułym tury prajhraŭ u haściach «Hamburhu» – 1:3, u startavym matčy hrupavoha turniru Lihi čempijonaŭ nie zmoh pierajhrać «Rejndžers» – 1:1.
Hleb u bundeślizie pravioŭ piać matčaŭ z šaści. Pryčym čatyry razy vyjšaŭ u startavym składzie (pryčym u matčy z «Hamburham» pravioŭ uvieś matč), adzin raz vyjšaŭ na zamienu.
Hałoŭ u biełarusa ŭ bundeślizie pakul niama.
U nastupnym tury «Štuthart» zhulaje z «Ajntrachtam».
Lidzirujuć zaraz u bundeślizie «Bajier» i «Hamburh», što majuć pa 13 bałaŭ, ale praviali na hulniu mieniej: u niadzielu «Hamburh zhulaje z «Ajntrachtam», a «Bajier» – z «Vierderam».