Umiašalisia ideołahi — nadańnie imia Adama Maldzisa biblijatecy ŭ Astraŭcy znoŭ pad pytańniem
Hrodzienski abłvykankam prypyniŭ rašeńnie Astravieckaha rajvykankama ad nadańni rajonnaj biblijatecy imia Adama Maldzisa.
02.08.2022 / 12:00
Rašeńnie źmiaściła ŭ svaim telehram-kanale praŭładnaja aktyvistka Volha Bondarava.
Jana padziakavała za «padtrymku» ŭsim adnadumcam, jakija vystupili suprać pierajmienavańnia.
Infarmacyja pra toje, što Astravieckaj rajonnaj biblijatecy nadadzienaje imia znakamitaha ŭradženca rajona prafiesara Adama Maldzisa, źjaviłasia na pačatku lipienia. Tady aburylisia praŭładnyja telehram-kanały i taja ž Volha Bondarava. Jany stali pratestavać suprać takoha rašeńnia, nazyvajučy Maldzisa pałanafiłam i kałabarantam.
Pryčym pieršapačatkova ŭpraŭleńnie kultury Hrodzienskaha abłvykankama zajaŭlała, što rašeńnie ab nadańni imia Maldzisa biblijatecy admianiacca nie budzie, nie buduć tolki viešać pamiatnuju šyldu.