Nasta Daškievič: Paprašu malitvy za Źmitra i viestački
Nasta Daškievič padziakavała ŭ siabie ŭ Fejsbuku za vinšavańni z dniom naradžeńnia, ale paprasiła pamalicca za svajho źniavolenaha muža.
02.08.2022 / 12:41
«U svoj dzień naradžeńnia ja chaču padziakavać usim, chto pobač i padtrymlivaje adzin adnaho ŭ ciomnyja časy. A ŭ padarunak paprašu — malitvu za Źmitra. Kab jon spakojna ŭsio prajšoŭ i vyjšaŭ u termin. Napišycie jamu viestačku, napišycie lubomu inšamu viaźniu, jaki tak prahnie dobrych słovaŭ i spahady. Aproč mianie i ciabie — hetaha nichto nie zrobić.
Tak, ciapier vielmi składany čas. Ničoha nie zrobiš z hetym. Ale my možam pa-roznamu prachodzić praź jaho. Ad nas mnohaje zaležyć. Niachaj Hospad daje ŭ sercy razumieńnie, mir i supakoj!» — napisała Nasta Daškievič.
Nahadajem, što 14 lipienia Źmitra Daškieviča asudzili na paŭtara hoda kałonii, a Naście Daškievič dali try hady «chatniaj chimii». U pary čaćviora dziaciej.