U Homieli kiroŭca źbiŭ viełasipiedysta, a potym padpaliŭ svaju mašynu
Śmiarotnaje DTZ zdaryłasia ŭ paniadziełak viečaram. Tam kiroŭca źbiŭ viełasipiedysta, jaki pierasiakaŭ prajeznuju častku pa nierehulavanym piešachodnym pierachodzie. Viełasipiedyst zahinuŭ, ale kiroŭca ŭciok ź miesca zdareńnia.
02.08.2022 / 15:23
Fota: UUS Homielskaha abłvykankama
Nieŭzabavie zatrymali padazravanaha. 25-hadovy chłopiec, kiroŭca «Micubisi» byŭ pjany. Sam jon z Karmy, ale pryjechaŭ z žonkaj u Homiel da siabroŭ, usie razam vypivali.
Pamiž mužam i žonkaj razharełasia svarka, chłopiec sieŭ u aŭtamabil i pajechaŭ dadomu, ale potym vyrašyŭ viarnucca. Pa darozie jon i najechaŭ na viełasipiedysta.
Paśla hetaha chłopiec zajechaŭ u kukuruznaje pole, dzie padpaliŭ svoj transpartny srodak.