Aŭtuchovič paśla 23 dzion haładoŭki papiŭ harbaty
59-hadovy Mikałaj abviaściŭ «suchuju haładoŭku» 11 lipienia, pratestujučy suprać taho, što jamu pieradajuć listy tolki ad maci i nie dastaŭlajuć haziet. Administracyja SIZA Hrodzienskaj turmy №1 paviedamiła, što 2 žniŭnia viazień vypiŭ harbaty, a ŭčora jamu stavili kropielnicu. Takuju infarmacyju atrymali svajaki Aŭtuchoviča, piša «Radyjo Svaboda».
02.08.2022 / 17:02
2 žniŭnia jaho znoŭ nie było na pasiedžańni, jon admoviŭsia iści, bo nie zdoleŭ by dajści sam. Učora stała viadoma, što jamu pieradali adzin list ad maci. Ci praciahnie jon haładoŭku, pakul niajasna. Pavodle zajavaŭ Mikałaja, jon nie spynić jaje, pakul jamu nie pačnuć addavać listy ad maci i inšych ludziej.