«Kibierpartyzany» vykłali źviestki «supracoŭnikaŭ Słužby biaśpieki Łukašenki»
Hrupa biełaruskich chakieraŭ «Kibierpartyzany» zajaviła pra publikacyju asabistych źviestak 1083 supracoŭnikaŭ Słužby biaśpieki Alaksandra Łukašenki.
02.08.2022 / 17:47
Detalaŭ pra toje, jak zdabyli hetyja źviestki, chakiery nie raskryli, ale adznačyli:
«Mnohija ź ich, a taksama ich svajaki chavajuć infarmacyju pra takoje miesca pracy».
Pahladzieć, kaho chakiery nazvali supracoŭnikami Słužby biaśpieki Łukašenki, možna na sajcie Blackmap.org, ale «Kibierpartyzany» zaścierahajuć: z terytoryi Biełarusi na sajt varta zachodzić tolki z vykarystańniem VPN.
Raniej na «Čornuju kartu» nanieśli źviestki pra siłavikoŭ — ad HUBAZiK i SACHR da prakuroraŭ i danosčykaŭ, a taksama biznesy, źviazanyja z nabližanymi da Łukašenki ludźmi. Asobny raździeł — karta danosaŭ ab pratestach z adrasami tych, chto danosiŭ u milicyju na susiedziaŭ i ŭryŭkami z samich danosaŭ.