Forum demsił z Karač i Capkałam prapanoŭvaje pravieści vybary ŭ alternatyŭny Saviet Respubliki
Udzielniki Forumu demakratyčnych sił, jaki prachodziŭ u lipieni ŭ Bierlinie, apublikavali svoj płan dziejańniaŭ.
04.08.2022 / 15:32
Forum demakratyčnych sił u Bierlinie. Fota: belarusforum.org
Na bierlinskim forumie prysutničali Valeryj i Vieranika Capkała, Siamion Šarecki, Volha Karač, Anatol Kotaŭ i inšyja.
U pastanovie, źmieščanaj na sajcie forumu, havorycca pra namiery stvaryć pracoŭnuju hrupu pa farmavańni Nacyjanalnaha Savieta Respubliki Biełaruś i pravieści vybary ŭ hety Saviet z zaprašeńniem mižnarodnych naziralnikaŭ.
Dakumient pryniaŭ Nacyjanalny saviet abjadnanych demakratyčnych sił Biełarusi. Chto ŭvachodzić u jaho skład i kim jon abiraŭsia, na sajcie nie paznačana.