EPAM patraciła na rełakacyju supracoŭnikaŭ ź Biełarusi i Rasii bolš za $33 młn
Amierykanskaja kampanija zrabiła spravazdaču pa vynikach druhoha kvartała 2022 hoda. Tak vyručka za hety pieryjad vyrasła na 35,6% da $1,2 młrd. Pry hetym čysty prybytak źniziŭsia na 73,8% u paraŭnańni z anałahičnym pieryjadam minułaha hoda i skłaŭ $18,6 młn.
05.08.2022 / 08:27
«Našy mocnyja vyniki za druhi kvartał adlustroŭvajuć ustojlivaść, hnutkaść i skancentravanaść EPAM, bo kampanija daje rady nastupstvam vajny va Ukrainie. Paskareńnie realizacyi našaj stratehii dazvolić EPAM praciahnuć trajektoryju rostu, raźvivajučy našy mahčymaści ŭ halinie kansałtynhu, inviestujučy ŭ našych ludziej i supolnaści», — zajaviŭ prezident kampanii Arkadź Dobkin, kamientujučy vyniki kvartała. Jahonyja słovy pryvodzić reform.by.
Vydatki na «hieahrafičnaje repazicyjanavańnie» skłali $33,07 młn. U hetuju sumu ŭklučanyja vydatki na rełakacyju supracoŭnikaŭ z Rasii i Biełarusi.
Taksama EPAM vydatkavała $11,6 młn dalaraŭ na dapamohu ŭkrainskim supracoŭnikami kampanii i ich siemjam, jakija znachodziacca va Ukrainie abo ich siemjam.