Kiraŭnik bara «Słoiki-Butelki», kala jakoha śpiavali «Obijmi», atrymaŭ 30 sutak
Jak nam stała viadoma, kiraŭnika bara «Słoiki-butelki» Andreja Žuka, kala jakoha prajšoŭ vystup śpiavački Meryjem Hierasimienka, pakarali 30 sutkami aryštu.
05.08.2022 / 19:55
Andrej Žuk
Pa słovach kalehi, Andreja sudzili adrazu pa dvuch artykułach KaAP: 24.3 (niepadparadkavańnie) i «za pierasyłku čahości apazicyjnaha» (havorka, chutčej za ŭsio, idzie pra artykuł 19.11 — raspaŭsiud ekstremisckich materyjałaŭ). Atrymałasia 15+15 sutak adpaviedna.
U Andreja — dvoje maleńkich dziaciej. Apieratyŭna źviazacca ź jaho siamjoj, kab udakładnić detali pasiadžeńnia, u nas nie atrymałasia.
Razam ź im siońnia ŭ sudzie Centralnaha rajona razhledzieli spravu suprać jašče adnaho supracoŭnika bara: chłopcu pryznačyli 14 sutak aryštu. Ën zaraz na Akreścina.