Azaranka nie pajedzie na turnir u Kanadu, joj nie dali vizu
Biełaruskaja tenisistka Viktoryja Azaranka prapuścić turnir u Taronta praz prablemy ź vizaj. Pra heta spartsmienka napisała ŭ siabie ŭ tvitary.
07.08.2022 / 21:20
Viktoryja Azaranka. Fota: AP Photo/Carolyn Kaster
«Na žal, mnie daviadziecca źniacca z turniru ŭ Taronta, bo maja zajava na atrymańnie kanadskaj vizy nie było ŭchvalenaja. Ja vielmi rasčaravanaja. Vielmi sumna prapuskać adzin z maich lubimych turniraŭ», — napisała Azaranka.
Raniej vyrašyli nie dapuskać da ŭdziełu ŭ turniry rasijskich i biełaruskich spartsmienaŭ arhanizatary Uimbłdonskaha turnira ŭ Vialikabrytanii. Ale Asacyjacyja tenisistaŭ-prafiesijanałaŭ (ATP) i Žanočaja tenisnaja asacyjacyja (WTA) hety krok nie padtrymali. Jak havaryłasia ŭ zajavie ATP, mahčymaść hulcoŭ luboj nacyjanalnaści ŭdzielničać u turnirach pad ehidaj Asacyjacyi — fundamientalnaje praviła.