У палітвязня Паўла Вінаградава пацвердзілі сухоты
Пра тое, што ў палітвязня пацверджаны сухоты, напісала ў фэйсбуку яго жонка Святлана Вінаградава.
08.08.2022 / 11:58
28 ліпеня Паўла перавялі ў аршанскую папраўчую калонію № 12, вядомую тым, што там утрымліваюцца і лечацца асуджаныя, хворыя на актыўную форму сухотаў.
Паўла ў сакавіку 2022 года асудзілі на пяць гадоў калоніі.
Яго абвінавацілі па арт. 130 КК (распальванне сацыяльнай варожасці), ч. 2 арт. 367 КК (паклёп на прэзідэнта) і арт. 342 КК (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх).
Лісты падтрымкі можна пісаць сюды: ПК №12, 211381, Віцебская вобласць, Орша, вул. Смаленская, 2, Павел Юр'евіч Вінаградаў.