Da 16 hadoŭ turmy. Vynieśli prysudy babrujskim «rejkavym partyzanam»
Babrujskich «rejkavych partyzanaŭ» asudzili da vielizarnych terminaŭ.
10.08.2022 / 13:23
Pra heta paviedamlaje «Radyjo Svaboda».
Kanstancin Jermałovič atrymaŭ 16 hadoŭ kałonii ŭzmocnienaha režymu i štraf 9600 rubloŭ;
Vital Minkievič — 15 hadoŭ kałonii ŭzmocnienaha režymu;
Ihar Kazłoŭ — 14 hadoŭ kałonii ŭzmocnienaha režymu;
Nadzieja Polkina — 2 hady kałonii ahulnaha režymu;
Natalla Kied — 2 hady «chatniaj chimii».
Ich abvinavačvali ŭ niekalkich epizodach, jakija ŭłady nazyvajuć «teraktami». Havorka idzie ab spynieńni ciahnikoŭ na 1,5 hadziny la stancyi Miradzina 11 žniŭnia 2021 hoda, čyhunačnaj dyviersii 24 i 31 žniŭnia 2021 hoda ŭ rajonie stancyj Citaŭka i Babina, a taksama spynieńni pracy «Tabakierki» 16 vieraśnia i padpale cira na strelbiščy «Kisialevičy» v/č 5527.
Viadoma taksama, što ŭsich piaciarych babrujčan abvinavačvajuć u tym, što jany spalili pudziła Łukašenki ŭ sakaviku 2021 hoda.