Zatrymali maci śpiavački Ryty Dakoty
12.08.2022 / 19:21
Infarmacyja pra zatrymańnie Śviatłany Hierasimovič, maci Ryty Dakoty, źjaviłasia ŭ adnym z łukašysckich telehram-kanałaŭ.
Z supravadžalnaha tekstu, vytrymanaha ŭ zvyčajnym dla karnych struktur chamskim i abraźlivym styli, možna zrazumieć tolki toje, što abvinavačvajecca žančyna va ŭdziele ŭ pratestnych akcyjach i joj pahražaje kryminalnaja sprava.
Ryta Dakota — viadomaja rasijska-biełaruskaja śpiavačka. U 2020 hodzie padtrymała pratesty i vypuściła pieśniu «Uchodi», jakuju adrasavała Łukašenku.