Відэа расследавальніцкага цэнтра пра «справу артапедаў» прызналі экстрэмісцкім
Першую частку расследавання БРЦ дадалі ў спіс «экстрэмісцкіх» матэрыялаў. Адпаведнае рашэнне 12 жніўня прыняў суд Цэнтральнага раёна Мінска.
20.08.2022 / 15:01
У першай частцы журналісты расказалі пра абставіны крымінальнай справы, у рамках якой затрымалі 35 чалавек, а ў шматлікіх медустановах прайшлі пазапланавыя праверкі. У некаторых медцэнтраў нават забралі ліцэнзіі.
БРЦ прыйшоў да высновы, што бенефіцыярам гэтай справы з'яўляецца прыватная клініка «Мерсі», якая засталася адзінай у краіне, дзе можна ўсталяваць імпартны пратэз, прычым у тры разы даражэй, чым у дзяржаўных лякарнях.
«Мерсі» звязваюць з сям'ёй Віктара Лукашэнкі.