Як выгнаць дразафілаў? Вось якога паху яны баяцца
Пладовыя мушкі, або дразафілы, дапякаюць нам, асабліва летам. Яны псуюць ежу і хутка памнажаюцца. Але іх можна пазбавіцца, і абсалютна проста, без хіміі.
21.08.2022 / 13:09
Дарослыя мушкі дасягаюць 2—3 міліметры ў даўжыню. Кожная мушка адкладае да 500 яек усяго праз 24 гадзіны. Як гэта можна выправіць?
Як перашкодзіць ім жыць?
Кантраляваць іх складана. Але каб пазбавіць іх месцаў, дзе яны могуць адкласці яйкі, рэгулярна і сістэматычна выконвайце наступныя дзеянні:
- пазбаўляйцеся ад смецця як мага хутчэй, не пакідайце мяшкі са смеццем на дзень,
- захоўвайце садавіну і гародніну ў халадзільніку,
- не пакідайце адкрыты алкаголь, прыкрывайце яго і стаўце ў халадзільнік,
- не пакідайце на стале адкрытую ці недаедзеную ежу, закрывайце каструлі і патэльні з прыгатаванай ежай,
- не пакідайце разлітыя салодкія вадкасці і кавалкі ежы, такія як сокі або алкаголь, адразу іх выцірайце,
- выкідайце сапсаваныя садавіну і гародніну, а таксама рэгулярна перабірайце скрыні, у якіх яны захоўваюцца,
- мыйце ежу адразу пасля вяртання з крамы, бо на ёй можа быць бруд, у якім могуць завесціся пладовыя мушкі.
Хатні сродак ад пладовых мушак — вельмі танны і эфектыўны
Пладовыя мухі не любяць пахі мяты і ментолу. Проста трымайце на кухні нешта, што моцна пахне імі — напрыклад, упакоўку жэлейных мятных цукерак. Мушкі будуць іх баяцца.
Другі варыянт — набыць некалькі гаршкоў з мятай. Гэта дзейнічае гэтак жа эфектыўна.