U Biełarusi i Rasii bolš nie budzie World Of Tanks. Tolki «Mir tankov»
Wargaming paviedamiŭ, što dla amataraŭ World of Tanks z Rasii i Biełarusi źjavicca novy klijent, kudy pieraniasuć ich akaŭnty. Jon nazyvajecca «Mir tankov». Heta adbudziecca na nastupnym etapie padziełu biznesu.
21.08.2022 / 22:53
Paśla sychodu Wargaming z Rasii i Biełarusi biźnies pieradali kampanii Lesta z Sankt-Pieciarburha. Mienavita jana ciapier budzie zajmacca padtrymkaj hulni ŭ RU-rehijonie.
Na vybar buduć prapanoŭvacca dva varyjanty:
- pieranos akaŭnta ŭ RU-rehijon, jakim apieruje Lesta Games. Sistema budzie rekamiendavać jaho hulcam z Rasii i Biełarusi.
- pieranos akaŭnta ŭ EU-rehijon, dzie apieravańniem zajmajecca Wargaming. Jon rekamiendujecca hulcam ź inšych krain.
Pry hetym u RU-rehijonie (Lesta Games) buduć dastupnyja tolki mietady apłaty dla hulcoŭ z Rasii i Biełarusi.