Biełaruskamoŭny dziciačy časopis «Matulina soniejka» chutka vierniecca da čytačoŭ
U lipieni časopis prypyniŭ vychad, ale z novaha hoda jon vierniecca da čytačoŭ. Vydańnie znoŭ zarehistravanaje ŭ padpisnym katałohu. Redakcyja ŭžo pracuje nad novym numaram, paviedamlaje budzma.org.
28.08.2022 / 17:13
Ciapier ładzicca rasprodaž starych numaroŭ. Časopis pradajecca pa 2 rubli za numar.
Kab nabyć vydańnie, źviartajciesia ŭ redakcyju praz dyrekt u instahramie @matulina_soneyka, pa elektronnaj pošcie shapo-klak@mail.ru abo pa telefonie +375 17 379 18 78.
Pa Biełarusi časopis dasyłajuć «Jeŭrapoštaj». U Minsku možna zabrać jaho ŭ redakcyi pa adrasie: vuł. Akademičnaja, 7 (stancyja mietro «Akademija navuk»).
Taksama možna nabyć časopis u farmacie PDF. Numar kaštuje ŭsiaho 1 rubiel. Zamović možna tut.
«Matułina soniejka» — štomiesiačnaje vydańnie na biełaruskaj movie z razvivalnymi hulniami i zadańniami dla dziaciej ad 3 da 7 hadoŭ.
Dziakujučy cikavym zadańniam i hulniam časopis daje mahčymaść dzieciam daviedvacca novyja słovy na biełaruskaj movie i adnačasova raźvivać svaje zdolnaści da matematyki, čytańnia i vobraznaha myśleńnia.
Zasnavalnik i vydaviec — redakcyja haziety «Šapaklak».
Prypynieńnie vychadu časopisa było źviazanaje, jak paviedamlała redakcyja, z tym, što jaho rabili z dźviuch krain: «Z Ukrainy i Biełarusi. Dapamahali nam ukrainskija aŭtary, a ciapier z hetym jość prablemy». Vyhladaje, što ich udałosia paśpiachova vyrašyć.