Palitźniavolenaja Volha Harbunova źjechała ź Biełarusi
«Vola na voli. Viedaje kryminalna-vykanaŭčaja inśpiekcyja, viedajcie i vy. Ja źjechała ź Biełarusi» — napisała jana ŭ siabie ŭ fejsbuku.
31.08.2022 / 08:21
Volha Harbunova — aktyvistka, byłaja kiraŭnica arhanizacyi «Radzisłava», jakaja dapamahaje žančynam, jakija paciarpieli ad chatniaha hvałtu. Volhu zatrymali 9 listapada 2021 hoda i zaviali spravu pa dvuch kryminalnych artykułach: č. 1, 2 i 3 art. 293 (masavyja biesparadki) i č. 1 i 2 art. 342 (arhanizacyja albo aktyŭny ŭdzieł u hrupavych dziejańniach, jakija hruba parušajuć hramadski paradak).
Volzie prysudzili pakarańnie ŭ vyhladzie abmiežavańnia voli biez nakiravańnia va ŭstanovu adkrytaha typu terminam na try hady.