Jeŭrakamisija zaćvierdziła skasavańnie pahadnieńnia ab sproščanym vizavym režymie z Rasijaj
Z takoj zajavaj u tvitary vystupiła kiraŭnica Jeŭrakamisii Ursuła fon der Lajen. Pahadnieńnie spynić dziejańnie z 12 vieraśnia.
06.09.2022 / 16:54
«Z Rasijaj bolš nielha vieści spravy, jak zvyčajna. My prapanujem całkam prypynić dziejańnie Pahadnieńnia ab spraščeńni vizavaha režymu ź ES i nie pryznavać rasijskija pašparty, vydadzienyja ŭ akupavanych ukrainskich rehijonach.
Spraščeńnie vizavaha režymu — heta znak davieru, całkam razburanaha ahresiŭnaj vajnoj Rasii», — napisała palityk.
Heta značyć, što suma vizavaha zboru dla rasijan vyraście z 35 da 80 jeŭra, terminy čakańnia viz pavialičacca, doŭhaterminovych i šmatrazovych viz stanuć vydavać mienš.
Na pačatku abmiarkoŭvałasia pytańnie taho, kab anałahičnyja zachady ŭžyć i ŭ dačynieńni da biełarusaŭ, ale ŭ vyniku ad hetaha vyrašyli admovicca.