Žychara Viciebska asudzili na čatyry hady kałonii
Sudovaja kalehija Viciebskaha abłasnoha suda 6 vieraśnia zaviaršyła razhlad kryminalnaj spravy Anatola Michajłava. 28-hadovaha mužčynu abvinavačvali ŭ stvareńni ekstremisckaha farmavańnia (č. 3 art. 361-3), raspalvańni rasavaj, nacyjanalnaj, relihijnaj albo inšaj sacyjalnaj varožaści (č. 1 art. 130), abrazie prezidenta (č. 1 art. 368) i abrazie pradstaŭnikoŭ ułady (art. 369 Kryminalnaha kodeksa), paviedamlaje «Viasna».
15.09.2022 / 10:28
Praces viała staršynia sudovaj kalehii Halina Bondał.
Anatol Michajłaŭ byŭ zatrymany pry kancy krasavika 2022 hoda. Pierad hetym, 8 krasavika, sud Pieršamajskaha rajona Viciebska pakaraŭ jaho aryštam na 15 sutak za raspaŭsiudžvańnie i zachavańnie ekstremisckich materyjałaŭ pa art. 19.11 KaAP.
Pavodle materyjałaŭ abvinavačańnia, Anatol Michajłaŭ, z sakavika 2021 hoda pa studzień 2022-ha ŭ internecie raźmiaščaŭ kamientaryi hrafičnyja materyjały z zaklikami da raspalvańnia nacyjanalnaj i inšaj sacyjalnaj varožaści, a taksama abrazy na adras kiraŭnika dziaržavy i supracoŭnika orhanaŭ unutranych spraŭ.
Pavodle źviestak praŭładnych kanałaŭ, pryčynaj zatrymańnia stała rehistracyja ŭ «Płanie «Pieramoha». Paviedamlałasia, što Anatol taksama zapoŭniŭ ankietu, kab pajechać vajavać va Ukrainu.
Jon ža ŭ sakaviku 2022 hoda staŭ udzielnikam destruktyŭnych Telegram-kanała i Telegram-čata.
U vyniku jon atrymaŭ čatyry hady kałonii i štraf u 3,2 tysiačy rubloŭ.