Papa Francišak: Dapamahać Ukrainie zbrojaj — maralna prymalna
Papa Rymski Francišak nazvaŭ «maralna prymalnym» dla krain Zachadu zabiaśpiečyć Ukrainu zbrojaj. Ciapier jana zmahajecca za svaju ziamlu pry poŭnamaštabnym uvarvańni Rasii, i zbroja patrebnaja dla metaŭ samaabarony.
16.09.2022 / 10:21
Pra heta Francišak zajaviŭ padčas pres-kanfierencyi ŭ čaćvier, kali viartaŭsia z relihijnaha samitu ŭ Kazachstanie.
«Heta palityčnaje rašeńnie, jakoje moža być maralnym, maralna prymalnym, kali jano prymajecca va ŭmovach maralnaści», — tak Papa Rymski adkazaŭ na pytańnie pra toje, jak jon aceńvaje pastaŭki zachodniaj zbroi va Ukrainu.
Papa skazaŭ, što, zhodna z pryncypami spraviadlivaj vajny, Kaścioł dapuskaje vykarystańnie śmiarotnaj zbroi dla abarony ad nacyi-ahresara.