Pucin pra kontrnastupleńnie USU: Fłah im u ruki
Prezident Rasii Uładzimir Pucin pa vynikach samitu Šanchajskaj arhanizacyi supracoŭnictva vystupiŭ na pres-kanfierencyi, padčas jakoj adkazaŭ na niekalki pytańniaŭ pa temie vajny va Ukrainie. U pryvatnaści, jon vykazaŭ svajo mierkavańnie ab kontrnastupleńni, abvieščanym USU.
16.09.2022 / 19:02
Ukrainskija vajskoŭcy z ukrainskich ściaham u rukach na ŭjeździe ŭ deakupavany Kupiansk na Charkaŭščynie
«Fłah u ruki, — skazaŭ Pucin. — Kijeŭskija ŭłady ž abviaścili kontrnastupleńnie, pahladzim, čym jano skončycca».
Pucin zapeŭniŭ, što nastupalnaja apieracyja Rasii na Danbasie praciahvajecca, dadaŭšy, što Rasija «nie śpiašajecca».
Taksama Pucin zajaviŭ, što Rasija pakul tołkam nie adkazvała na abstreły svajoj terytoryi z boku Ukrainy, ale «adkaz-to budzie, urešcie, kali jany nie zrazumiejuć, što takija mietady niedapuščalnyja».
U Minabarony Rasii zajaŭlali raniej, što adstupleńnia ŭ rajonie Bałaklei i Iziuma ŭvohule niama, tam, maŭlaŭ, robicca pierahrupavańnie rasijskich vojskaŭ.