Łukašysty dapytvali prahramista, zaviazaŭšy jamu bandanu ź jeŭrapiejskim ściaham na žanočy manier
21.09.2022 / 21:22
Na videa — 39-hadovy supracoŭnik A1 Źmicier Aharodnikaŭ. HUBAZiKaŭcy nazyvajuć jaho ŭ videa «babulaj».
Siońnia na praŭładnych kanałach čarhovaje videa. Mužčyna, u jakoha na hałavie na žanočy manier paviazanaja chustka (HUBAZiKaŭcy nazyvajuć jaho ŭ videa «babulaj») kaža, što zatrymany za toje, što byŭ padpisany na «ekstremisckija kanały» i repościŭ ź ich dopisy.
Chustka — bandana ź jeŭrapiejskim ściaham.
Na videa — 39-hadovy supracoŭnik A1 Źmicier Aharodnikaŭ. Jon prahramist. Pačynaŭ u pradpryjemstvie «Biełhasphandal», a paśla pierajšoŭ na pasadu inžyniera-prahramista ŭ kampaniju A1.
Źmicier Aharodnikaŭ. Fota: sacsietki
Jaho zatrymlivajuć u treci raz. Pieršy raz — na adnym z maršaŭ na Paŭdniovym Zachadzie Minska 29 listapada 2020 hoda. Za heta jamu dali 14 sutak aryštu. Kali adbyłosia druhoje zatrymańnie — nieviadoma, ale zatrymlivali mužčynu za reposty z «ekstremisckich» kanałaŭ. Ciapier pryčyna taja ž.
Nieviadoma, ci zaviedzienaja na mužčynu kryminalnaja sprava, ale z pasta HUBAZiKa vyhladaje, što nie.