Brytancy miarkujuć, što «Paŭnočny patok» mahli padarvać dystancyjna zahadzia pastaŭlenymi minami
Hazapravody «Paŭnočny patok» i «Paŭnočny patok — 2» mahli być paškodžanyja z dapamohaj dystancyjnych vybuchovych pryład, jakija byli ŭstalavanyja miesiacy abo hady tamu.
29.09.2022 / 08:23
Pra heta paviedamiŭ brytanski telekanał Sky News sa spasyłkaj na krynicu ŭ Minabarony Vialikabrytanii.
Pavodle infarmacyi krynicy, miny mahli spuścić na marskoje dno na doŭhaj viaroŭcy, vykinuć za bort łodki abo raźmiaścić z dapamohaj bieśpiłotnika.
Surazmoŭca Sky News taksama abvierh viersiju, jakaja kaža, što rasijskaja padvodnaja łodka mahła ŭstalavać vybuchovyja prystasavańni. Pa jaho słovach, hłybinia Bałtyjskaha mora nie dazvalaje hetaha zrabić.