Na 2 hady «chimii» asudzili jevanhielskuju chryścijanku Lidziju Hormaš
Lidzija Hormaš, jevanhielskaja viernica, słužka i žonka adnaho z pastaraŭ minskaj jevanhielskaj carkvy «Novy Zapaviet», była zatrymanaja 5 lipienia 2022 hoda razam sa svaim mužam Filipam Ivanovym, piša «Chryścijanskaja vizija».
29.09.2022 / 21:06
Filipa Ivanova paśla zatrymańnia nieŭzabavie vypuścili, u toj čas jak Lidzija była ŭziataja pad vartu pa kryminalnaj spravie za ŭdzieł u pratestach 2020 hoda. Jana znachodziłasia ŭ SIZA-1 na «Vaładarcy».
Stała viadoma, što siońnia sud daŭ joj 2 hady «chimii». Z ulikam terminu, užo adbytaha ŭ SIZA, joj zastajecca adbyć 1,5 hoda «chimii».