Jeŭropa dumaje
30.09.2009 / 12:54
Jeŭrakamisija pakul nie pryniała rašeńnie pa zapycie biełaruskich uładaŭ ab makrafinansavaj dapamozie.
Jeŭrakamisija pakul nie pryniała rašeńnie pa zapycie biełaruskich uładaŭ ab vydzialeńni krainie makrafinansavaj dapamohi, paviedamiŭ u intervju BiełaPAN kiraŭnik pradstaŭnictva JEK u Minsku Žan‑Eryk Cholcapfiel.
Dypłamat adznačyŭ, što dapamoha budzie akazana, u pryvatnaści, kali Biełaruś vykanaje pahadnieńnie ź Mižnarodnym valutnym fondam ab atrymańni kredytu stend‑baj, pry najaŭnaści deficytu finansavańnia, a taksama najaŭnaści ŭ ES finansavaj mahčymaści vydzielić takija srodki.
«Ciapier my čakajem čarhovaj spravazdačy MVF», — adznačyŭ Cholcapfiel.
Zapyt ab makraekanamičnaj dapamozie biełaruskija ŭłady nakiravali ŭ kancy červienia 2009 hoda.
Makraekanamičnaja dapamoha, jakuju akazvaje ES, zadumana jak dapaŭnieńnie i vydzialajecca ŭ sukupnaści z kredytam Mižnarodnaha valutnaha fondu abo Suśvietnaha banka. Jana moža być vydzielena ŭ vyhladzie kredytu abo jak biazvypłatnaja dapamoha — u zaležnaści ad patreb krainy.
Cholcapfiel paviedamiŭ, što biudžet biełaruskich prajektaŭ u miežach štohadovaj prahramy dziejańniaŭ byŭ pavialičany z 5 da 10 młn. jeŭra. Pry hetym jon padkreśliŭ, što prajekty ŭ Biełarusi finansujucca praz šerah prahram, nie tolki z hadavoha biudžetu dla krainy, heta — rehijanalnyja prahramy, tematyčnyja, transhraničnyja.