Ułady zabirajuć Čyrvony kaścioł u viernikaŭ — «Chryścijanskaja vizija»
Ułady skasoŭvajuć damovu karystańnia Čyrvonym kaściołam z supołkaj «Rymska-katalickaja parafija Śviatoha Symona i śviatoj Aleny». Adpaviednaje apaviaščeńnie ŭžo atrymali kaścielnyja ŭłady. Ad prychodu patrabujuć zabrać majomaść z chrama na praciahu niekalkich dzion. Hetuju infarmacyju «Chryścijanskaj vizii» paćviardžajuć adrazu niekalki krynic.
06.10.2022 / 10:59
Kaścioł Sv. Symona i Sv. Aleny ŭ Minsku, bolš viadomy ŭ narodzie jak Čyrvony kaścioł. Chram znachodzicca na płoščy Niezaležnaści, pobač z Domam urada i zjaŭlajecca adnym ź simvałaŭ stalicy Biełarusi.
U noč na 26 vieraśnia ŭ chramie zdaryŭsia zahadkavy pažar, paśla jakoha chram začynili.
U 2013 h. chram byŭ zamacavany na pravie haspadarčaha viadzieńnia za KUP «Minskaja spadčyna». Mienavita hetaja arhanizacyja paviedamiła na dniach supołcy viernikaŭ ab skasavańni damovy karystańnia.