«Biełaruskija arhanizacyi tak i nie zmahli arhanizavać supraciŭ vajnie». Padalak aburyŭsia sioletnim «Nobielem» — Kavaleŭski jamu adkazaŭ
Nobieleŭskuju premiju miru sioleta padzialili biełaruskija, rasijskija i ŭkrainskija pravaabaroncy. Biełaruskim łaŭreatam staŭ kiraŭnik «Viasny» Aleś Bialacki. Va Ukrainie niekatoryja rezka adreahavali na taki krok. U tym liku i daradca kiraŭnika Ofisa prezidenta Ukrainy Michaił Padalak.
07.10.2022 / 16:22
Fota: UNIAN, «Naša Niva»
«U Nobieleŭskaha kamiteta adnaznačna cikavaje razumieńnie słova «mir», kali premiju razam atrymlivajuć pradstaŭniki dźviuch krain, jakija napali na treciuju. Ni rasijskija, ni biełaruskija arhanizacyi tak i nie zmahli arhanizavać supraciŭ hetaj vajnie. «Nobiel» u hetym hodzie prosta «supier», — napisaŭ u tvitary Padalak.
Na jaho dopis adreahavaŭ Valeryj Kavaleŭski, pradstaŭnik Abjadnaha pierachodnaha kabinieta pa mižnarodnych spravach.
«Pravaabarončyja arhanizacyi zmahajucca za pravy i svabody ludziej. Palityčnyja struktury i ŭzbrojenyja siły arhanizujuć abaronu. Davajcie heta prajaśnim.
I zaŭsiody pamiatajcie, što biełarusy, u jakich skradzienyja pravy, całkam padtrymlivajuć Ukrainu, u tym liku i na poli boju», — adkazaŭ jon Padalaku ŭ tvitary.