Iran admaŭlaje pieradaču dronaŭ-kamikadze Rasii
Pra heta zajaviŭ aficyjny pradstaŭnik MZS Irana Nasier Kanaani padčas štotydniovaj pres-kanfierencyi, piša «Jeŭrapiejskaja praŭda» sa spasyłkaj na Reuters.
17.10.2022 / 13:03
«Apublikavanaja navina pra toje, što Iran pradastaviŭ Rasii bieśpiłotniki, maje palityčnyja ambicyi i raspaŭsiudžvajecca zachodnimi krynicami. My nie davali zbroju nivodnaj z vajujučych krain», — skazaŭ Kanaani.
Kamandavańnie Pavietranych sił USU paviedamiła, što ranicaj 17 kastryčnika supraćpavietranaja abarona likvidavała 11 dronaŭ-kamikadze «Shahed-136», jakija vyrablajucca Iranam i vykarystoŭvajucca rasijskimi vajskoŭcami pad nazvaj «Hierań-2».
U Kijevie ŭ vyniku razbureńnia žyłoha doma takim dronam zahinuli try čałavieki.