U Žłobinie zrabili vadajom u formie serca
Vadajom u formie serca źjaviŭsia ŭ Žłobinie na miescy zabałočanaj sažałki. Inicyjatyva pa dobraŭparadkavańni hetaj terytoryi naležyć miascovamu rajvykankamu, paviedamlaje tielehram-kanał Homielskaha abłvykankama.
19.10.2022 / 21:12
«Tut hulaje šmat ludziej, pobač škoła, vysokija damy. Niekalki hadoŭ tamu my vysadzili drevy, pastavili łaŭki, ustalavali mastki, navat zrabili instalacyju ŭ formie serca. Na jaje maładyja viešajuć simvaličnyja zamočki ŭ znak viečnaha kachańnia. Zastavałasia vyrašyć pytańnie z bałotam», — raskazaŭ namieśnik staršyni rajvykankama Siarhiej Andrusieŭ.
Bałota z vyšyni nahadvała abrysami serca, i miascovyja čynoŭniki vyrašyli zrabić ich bolš vyraznymi. Za miesiac było ačyščana dno i źmienienyja abrysy bierahavoj linii. I ciapier z vyšyni serca sapraŭdy vidać vielmi vyrazna.