Ukraina vyviesiła na miažy ź Biełaruśsiu bieł-čyrvona-biełyja ściahi
Cikavy fakt ahučyli ŭ efiry STB. Akazvajecca, ukrainskija pamiežniki ŭ punktach propusku vyviesili razam ź dziaržaŭnym ukrainskim ściaham nacyjanalny biełaruski bieł-čyrvona-bieły ściah, źviarnuŭ uvahu Reform.by.
23.10.2022 / 22:58
«Prykładna dva miesiacy tamu, razam ź dziaržaŭnym ściaham Ukrainy, u punkcie propusku byŭ vyviešany taksama jašče i bieł-čyrvona-bieły ściah. I treba adznačyć, što i na bližejšych punktach propusku na ŭčastku Bresckaj pamiežnaj hrupy ŭkraincy taksama vyviesili ściahi bieł-čyrvona-biełaha koleru», — raspavioŭ aficyjny pradstaŭnik Bresckaj pamiežnaj hrupy Siarhiej Dźmitryjeŭ.
Prapahandysty STB pakazali kadry, dzie sapraŭdy bačnyja dva ściahi, ale vyrašyli zamazać biełaruski nacyjanalny simvał.