U Alšanach na Stolinščynie budujuć najbujniejšy ŭ Biełarusi malitoŭny dom
U Stolinskim rajonie źjavicca najbujniejšy ŭ Biełarusi pratestancki malitoŭny dom. Jon budzie znachodzicca ŭ Alšanach. Uźviadzieńniem kultavaha budynka zajmajecca miascovaja relihijnaja abščyna chryścijan viery jevanhielskaj, starejšym pastaram jakoj źjaŭlajecca Vasil Simanovič, paviedamlaje vydańnie Media-Polesye.
24.10.2022 / 17:12
Fota z supołki «Padsłuchana Stolin»
U ahraharadku Alšany žyvie kala vaśmi tysiač čałaviek, heta bieskankurentna najbujniejšy sielski nasieleny punkt u Biełarusi.
Bolš za try tysiačy žycharoŭ Alšan naviedvajuć pratestanckuju carkvu, a ŭ niadzielnuju škołu pry joj chodziać 1 100 dziaciej.
Pavodle infarmacyi časopisa «Błahadać», budaŭnictva ŭ Alšanach idzie ŭžo paŭhoda. Za hety čas amal sabrany karkas budynka, a taksama ŭźviedzienyja ścieny i asnova dachu. Štodnia na placoŭcy pracujuć 40-60 čałaviek, budaŭniki robiać u dźvie źmieny.
Fota z supołki «Padsłuchana Stolin»