Бацька адправіў дзецям інтымныя фоты мамы. А тая звярнулася ў міліцыю
Такім чынам мужчына хацеў адпомсціць жонцы.
25.10.2022 / 09:48
У дачыненні да 48-гадовага прараба адной з будаўнічых фірмаў Ліды заведзена крымінальная справа за распаўсюд парнаграфіі. Пра абставіны паведаміў тэлеграм-канал, блізкі да сілавікоў.
Мужчына хацеў скампраметаваць экс-жонку ў вачах дзяцей. Пара развялася, аднак працягвала жыць пад адным дахам. Аднойчы мужчына ўзяў тэлефон жанчыны і знайшоў у ім інтымныя фатаграфіі, якія жанчына адпраўляла каханаму.
Гэтыя здымкі мужчына і адправіў сынам: аднаму 10, а другому 12 гадоў.
Дзеці распавялі пра інцыдэнт маме, а тая звярнулася ў міліцыю. Заведзена крымінальная справа.