Abrad «Cary Kalady» pad pahrozaj źniknieńnia

Kaladny abrad «Cary», što ładzicca ŭ vioscy Siemiežava Kapylskaha rajona, uklučyli ŭ pieršy śpis niemateryjalnaj kulturnaj spadčyny JUNESKA.

05.10.2009 / 10:44

Kaladny abrad «Cary», što ładzicca ŭ vioscy Siemiežava Kapylskaha rajona, uklučyli ŭ pieršy śpis niemateryjalnaj kulturnaj spadčyny JUNESKA.

Mižuradavy kamitet JUNESKA pa achovie niemateryjalnaj kulturnaj spadčyny pryjšoŭ da vysnovy, što treba najchutčej pryniać zachady pa vyratavańni 12 abjektaŭ z vaśmi krain, u tym liku i abradu «Cary Kalady». Na dumku ekśpiertaŭ, jany znachodziacca pad pahrozaj źniknieńnia. Uniasieńnie abjektaŭ u Śpis harantuje pryniaccie mieraŭ pa ich zachavańni. Dla finansavańnia hetych metaŭ stvorany admysłovy fond.

Abrad «Cary Kalady» źjaviŭsia ŭ XVIII stahoddzi. U toj čas sałdaty i aficery rasijskaha vojska chadzili pa viaskovych chatach i vinšavali haspadaroŭ sa śviatam. Zatym tradycyi pieraniali viaskovyja dzieci. Jany pačali apranacca ŭ kaściumy, padobnyja da vajskovaj formy (hetyja piersanažy i stali nazyvacca «carami»). Abrad byŭ uznoŭleny ŭ 1997 hodzie i pravodzicca da siońnia. Jon źjaŭlajecca niemateryjalnym uvasableńniem tvorčaści, układu žyćcia tolki žycharoŭ v. Siemiežava.

KM pavodle BIEŁTA